احلى الابوذيات لعيونكم
جفي للمشو بالليل يوماي
واكضي شلون من ترحون يوماي
نزل علخد سواد العين يوماي
يوهي اثنينهن طاحن سوية
البدر زور صفاتك وانتحلها
واعرفت ايام هجرك وانتحلها
وعليك اعرض قضيتي وانت حلها
وانصف لو ردت تحكم عليه
على حبك باب الكَلب سكّر
يالتنكَط مسك شفتك و سكر
حقك لو تصاب بمرض سكر
إذا كلك عسل و محير البرية
يهل تنشد لحالي حالفاني
وبس الحزن بعدك حالفاني ....
ابد ما احب غيرك حالف اني...
وجدت روحي الك بثنين اديه
عيوني ماترى لغيرك(تراباك)
زين ومن اصل طيب(تراباك)
طينك اخذ من يوسف(تراباك)
اكص بيدي لون تمر علية
طعم طيبك يغالي عسل وي جوز
ومنك مايتوب الكلب و يجوز
تريد انساك بس بالموت و يجوز
تلمنه الاخره ونرجع سويه
اتمنى عجبتكم المشاركة