اضافة زهيري - مواويل عراقية

اضافة زهيري - مواويل عراقية



من يوم عني رحت بكلبي انصبت فاتحة
وقفلت كلبي انا لغيرك فلا فاتحة
هذا الكلب جلورد وحبك اهو فاتحة
حبك نداوة عسل والورد اخذ منك
بس كول ياهاجري اتمنا انا امنك
لاتمن علي شوفتك ما احب انا منك
الي علية يمن بحبي ولا افاتحة



مابان مني ذنب يا صاحبي كـلي شجرى
تنور صار القلب بيده الحبيـب شجرى
وبالقلب نبت عــود الحـــريق شجره
وخيم علي الحــــزن لافراحـــي هدم
وانت الوريد اللي يضخ للقلب هالدم
لان احس انـت الغصن وانــــي شجـره

انته العراق الابي مااضن مثلك وطن

حبك ثكل بالكلب وزنات صار وطن

وهامات علو النجم كلها لترابك وطن

صولات الك تنذكر والدول عدها علم

الجولان تشهد الك بيها انته رافع علم

مدرسه لكل الدول انته حضاره وعلم

حتى بمنامي احس همسات صوتك وطن




الناس التودني مع الميتين عدوني
و مكسور كلبي و جميع الناس عادوني
ناديت يهل الهوى بالله عيدوني
أبعدعلينا الدرب والحيل مني أنسلب
ولو ماغلاهم ابد دمعي فلا ينسلب
دنزعي ثوب الفرح يا روحي ريتو نسلب
مو تستاهلين الجرى شوداج على الدوني



تحياااااتي

قلم كلبي تداين ورقة منك.
لان ماكو بجمالك ورقة منك.
اسجلك انت الاول ورقمنك .
وكتب لافته محجوز اليةةةة؟



عاشت ايدج ورده فراتيا وننتظر المزيد من الابداع
تقبلي تحياتي ؟؟؟؟ضمير

هم حلوه هاي المواويل
مشكوره عالجهود اخت فراتيه
تقبل مروري
اخووووووج
الخفاجي