salma
احترامك للقوانين يجعلك متميز
 عدد المساهمات : 1
تاريخ التسجيل : 31/05/2009
المزاج : گلگلي
 | موضوع: جرح عمري  الأحد مايو 31, 2009 9:52 pm | |
|  جرح عمريمو أنه أنته الي خنت وبديتهه
مو گتلك احسبهه عدل
والشينه لدگهه أبد وياي بس دگيتهه
من فطر اشفافك عطش
سويتلك أيدي نهر وانته بحقد عظيتهه دزيتلك وردة لچن أنته برمح رديتهه
أشلون فهمني ولك وردة برمح سا ويتهه
ومشيت ضد دربي غدر
وعليه شمات أسف خاويتهه
صعدتك بعلو النجم
بچتافي چا شنهو الجره بسرعه الچتوف انسيتهه
ألگبلي زارعلك حزن
وانه لگيتك بس دمع
وجروحك بحاجة دوه وداويتهه
وانته اجرحتني بكل كتر
وجروحي تنزف چن مطر
ولو رحمه عندك بالگلب چا بل أقل شديتهه
من انته عن عيني غبت
اشغنيت تدري بغيبتك
(هلبت بختنه يجيبكم هلبت)
(ونشم روايح طيبكم هلبت)
بدموعي الك غنيتهه
والعين بيت الكل دمع
والدمعة من تنزل ولك شيردهه بعد البيتهه
امن ابعيد شماتي أجو
وجروح مليان الجسم
وما ريد ينعرفن ألك جروحي بضحك غطيتهه
ومو ألي هالضحكه اتعرف أنته اتعرف گديتهه
امن اشفافي غابت ضحكتي
امن اسيوفك بنحري غدر حديتهه
وخدودي خاون دمعتي
من شلت بيدك شمعتي وطفيتهه
مو بيك بيه اني الذنب
ريح انه اعرفك والگلب بيبانه ما سديتهه
| |
|
kshto
مشرف
  
عدد المساهمات : 56
تاريخ الميلاد : 21/07/1985
تاريخ التسجيل : 24/05/2009
العمر : 38
الموقع : http://www.baghdad-m.com/vb
العمل/الترفيه : ادمن في روم المضيف العراقي
| | موضوع: رد: جرح عمري الخميس يونيو 04, 2009 6:26 pm | |
| الله الله عليكِ
يـــ سلمى ـــا
صح السانك على الشعر الجميل هذا
سلمتي لنا وسلم احساسك الرقيق و مشاعرك الجياشه
اتمنى لك الابداع و تألق الدائم
تقبلي مني هذا الرد المتواضع بحق شخصك الكريم و بحق قلمك الرائع
مع خالص شكري و تقديري لك
كشتو
| |
|
